తిరుమలలో ఘనంగా గరుడ పంచమి గరుడ వాహనసేవ – భక్తులను కటాక్షించిన శ్రీ మలయప్పస్వామివారు

తిరుమల, ఆగస్టు 17, 2026: గరుడ పంచమి పర్వదినాన్ని పురస్కరించుకుని సోమవారం తిరుమలలో శ్రీ మలయప్పస్వామివారు తమ ఇష్టవాహనమైన గరుడునిపై తిరుమాడ వీధుల్లో విహరించి భక్తులను కటాక్షించారు.

రాత్రి 7 గంటలకు గరుడ వాహనసేవ ప్రారంభమైంది. శ్రీవారి గరుడ వాహనసేవను దర్శించేందుకు పెద్ద సంఖ్యలో భక్తులు తిరుమాడ వీధులకు తరలివచ్చారు.

శ్రీవారి వాహనాల్లో గరుడుడిదే అగ్రస్థానం

శ్రీవారి వాహనాల్లోను, సేవకుల్లోను గరుడుడు అగ్రగణ్యుడిగా భావిస్తారు.

ప్రతి ఏడాది శుక్ల పక్షం ఐదవ రోజున గరుడ పంచమిని ఘనంగా నిర్వహిస్తారు. ఈ పర్వదినానికి వైష్ణవ సంప్రదాయంలో ప్రత్యేక ఆధ్యాత్మిక ప్రాధాన్యత ఉంది.

గరుడ పంచమి పూజకు విశిష్టత

గరుడ పంచమి సందర్భంగా నూతన దంపతులు తమ వైవాహిక జీవితం ఆనందదాయకంగా ఉండాలని కోరుకుంటూ గరుడ పంచమి పూజను నిర్వహిస్తారు.

అలాగే స్త్రీలు తమకు పుట్టే సంతానం గరుడునిలా బలశాలిగా, ధైర్యవంతంగా ఉండాలని ఆకాంక్షిస్తూ భక్తిశ్రద్ధలతో ఈ పూజను నిర్వహిస్తారు.

గరుడ వాహనసేవలో జీయర్ స్వాములు, టీటీడీ అధికారులు

గరుడ వాహనసేవలో తిరుమల శ్రీశ్రీశ్రీ పెద్దజీయర్ స్వామి, శ్రీశ్రీశ్రీ చిన్నజీయర్ స్వామి, టీటీడీ అదనపు ఈవో శ్రీ సి.హెచ్. వెంకయ్య చౌదరితో పాటు ఇతర అధికారులు పాల్గొన్నారు.