శ్రీనివాస మంగాపురం ఆలయంలో ఘనంగా ప్రారంభమైన వార్షిక పవిత్రోత్సవాలు

తిరుపతి, నవంబర్ 5, 2026: శ్రీనివాస మంగాపురంలోని శ్రీ కల్యాణ వెంకటేశ్వర స్వామి ఆలయంలో వార్షిక పవిత్రోత్సవాలు గురువారం ఘనంగా ప్రారంభమయ్యాయి. ఈ సందర్భంగా సంప్రదాయబద్ధంగా ప్రత్యేక ఆధ్యాత్మిక కార్యక్రమాలు నిర్వహించారు.

ఉత్సవాల్లో భాగంగా స్వామివారు, అమ్మవార్ల ఉత్సవమూర్తులకు పుణ్యాహవాచనం, రక్షాబంధనం, స్నపన తిరుమంజనం నిర్వహించారు.

ఉత్సవమూర్తులకు ప్రత్యేక అభిషేకం

స్నపన తిరుమంజనంలో భాగంగా ఉత్సవమూర్తులకు పాలు, పెరుగు, తేనె, కొబ్బరి నీళ్లు, పసుపు, చందనంతో ప్రత్యేక అభిషేకం నిర్వహించారు.

సాయంత్రం పవిత్ర ప్రతిష్ఠ

పవిత్రోత్సవాల్లో భాగంగా గురువారం సాయంత్రం పవిత్ర ప్రతిష్ఠ కార్యక్రమాన్ని నిర్వహించారు.

పాల్గొన్న టీటీడీ అధికారులు

ఈ కార్యక్రమంలో టీటీడీ జేఈవో డా. ఎ. శరత్, ఆలయ డిప్యూటీ ఈవో శ్రీమతి వరలక్ష్మి, ఆలయ అధికారులు, అర్చకులు, భక్తులు పాల్గొన్నారు.